2016ലെ ലോക ഫുട്ബോളറായി ക്രിസ്റ്റ്യാനോ റൊണാള്‍ഡോയെ തിരഞ്ഞെടുത്തു. മെസ്സിയെയും ഗ്രീസ്മാനെയും പിന്തള്ളിയാണ് പോര്‍ച്ചുഗീസ് സൂപ്പര്‍ താരം നേട്ടം കൈവരിച്ചത്. മികച്ച പരിശീലകനുള്ള പുരസ്‌കാരം ക്ലോഡിയോ റാനിയേരിയും മികച്ച വനിതാ താരത്തിനുള്ള പുരസ്‌കാരം അമേരിക്കയുടെ കാര്‍ലി ലോയ്ഡും സ്വന്തമാക്കി.
ലെസ്റ്റര്‍സിറ്റിയെ ഇംഗ്ലീഷ് പ്രീമിയര്‍ ലീഗ് ചാമ്പ്യന്മാരാക്കിയതിനാണ് ക്ലോഡിയോ റാനിയേരയെ മികച്ച പരിശീലകനായി തിരഞ്ഞെടുത്തത്. ജര്‍മനിയുടെ സില്‍വിയ നീഡ് ആണ് മികച്ച വനിതാ പരിശീലക.
ഫ്രാന്‍സ് ഫുട്ബോള് മാസികയുമായുള്ള കരാര്‍ അവസാനിപ്പിച്ച ശേഷം ലോക ഫുട്ബോള് ഭരണസമിതിയായ ഫിഫ സ്വന്തം നിലയ്ക്ക് നടത്തുന്ന ഫിഫ ദി ബെസ്റ്റ് പുരസ്‌കാരങ്ങളാണ് സൂറിച്ചിലെ ഫിഫ ആസ്ഥാനത്ത് പ്രഖ്യാപിച്ചത്.
