വിശാഖപട്ടണം: തെലുങ്ക് സൂപ്പര്‍സ്റ്റാര്‍ ചിരഞ്ജീവിയുടെ പുതിയ ചിത്രത്തിന് ടിക്കറ്റ് കിട്ടാതിരുന്നതിനെ തുടര്‍ന്ന് ആരാധകന്‍ ജീവനൊടുക്കാന്‍ ശ്രമിച്ചു. ചിരഞ്ജീവിയുടെ പുതിയ ചിത്രമായ ഖൈദി നമ്പര്‍ 150 എന്ന ചിത്രത്തിന് ടിക്കറ്റ് ലഭിക്കാത്തതിനെ തുടര്‍ന്നാണ് ആരാധകന്‍ ബ്ലേഡ് ഉപയോഗിച്ചു കൈ ഞരമ്പു മുറിച്ചു ജീവനൊടുക്കാന്‍ ശ്രമിച്ചത്.
വിശാഖപട്ടണത്തെ രാമ ടാക്കീസിലായിരുന്നു സംഭവം. ഇയാളെ ഉടന്‍തന്നെ ആശുപത്രിയിലെത്തിക്കാന്‍ തീയറ്റര്‍ അധികൃതര്‍ ശ്രമിച്ചെങ്കിലും ടിക്കറ്റ് കിട്ടി സിനിമ കണ്ടശേഷം ചികിത്സിച്ചാല്‍ മതിയെന്ന നിലപാടില്‍ ആരാധകന്‍ ഉറച്ചുനിന്നു. ഇതേതുടര്‍ന്ന് തിയറ്റര്‍ അധികൃതര്‍ പോലീസിനെ വിളിച്ചുവരുത്തി ആരാധകനെ ലമായി ആശുപത്രിയില്‍ പ്രവേശിപ്പിക്കുകയായിരുന്നു.
